देव खऱ्या प्रेमाची नेहमीच परीक्षा घेत असतो. आणि त्यातूनही जे तरतं ते आदर्श ठरतं. अशीच एक आदर्शमय प्रेम कथा,
‘का रं देवा’ ११ फेब्रुवारीपासून जवळच्या चित्रपटगृहात.

सह्याद्री फिल्म प्रॉडक्शनच्या प्रशांत शिंगटे यांनी चित्रपटाची निर्मिती केली आहे. चित्रपटाची कथा आणि दिग्दर्शन रंजीत दशरथ जाधव यांचं आहे. सुशांत माने, तानसेन लोकरे यांनी केलेल्या गीतांना  संदीप भुरे यांनी संगीतबद्ध केले आहे. सुप्रसिद्ध गायक आनंद शिंदे, आदर्श शिंदे, मधुर शिंदे, डॉ.नेहा राजपाल, सुप्रिया सोरटे यांच्या सुमधुर आवाजात चित्रपटातील गाणी स्वरबद्ध करण्यात आली आहेत. एक आदर्शमय प्रेमकथा अशी टॅगलाईन असलेल्या या चित्रपटाचं पोस्टर अतिशय लक्षवेधी आहे.  तसंच चित्रपटाची श्रवणीय गाणीही प्रेक्षकांची नक्कीच पसंती मिळवतील.